Verschillen

Dit geeft de verschillen weer tussen de geselecteerde revisie en de huidige revisie van de pagina.

--- tk2021:programpapiamento [2021/04/16 23:09] – aangemaakt waBrandsma
+++ tk2021:programpapiamento [2021/04/16 23:16] (huidige) – waBrandsma
@@ Regel 1: / Regel 1: @@
 ====== Resúmen di e Programa di Gobernashon pa Partido di Pirata 2021 ======
 Partido di Pirata ta defendé un demokrasia liber, unda tur konosementu, arte i kultura ku humanidat a produsí, ta inmediatamente disponibel pa un i tur. E krísis di Korona ta mustra kon importante ta pa kompartí konosementu libramente. Nos ta preferá invertí den bon instalashonnan públiko, komo kapasidat di prueba, investigashon di fuentenan i kontakto i sufisiente personal di salú, na lugá di restringi e derechonan i libertatnan sivil. Nos ta asumí e konfiansa den e personanan i ta tene un deskonfiansa sano den e konsentrashonnan di poder di gobièrnu  i empresanan. Den un sosiedat di informashon liber, nos ta tuma huntu e desishonnan más huisioso.
+===== Puntonan klave =====
+==== Derechonan sivil ====
+Derechonan sivil ta garantisá e libertatnan personal i ta proteha e siudadanonan kontra e arbitrariedat di gobièrnu  of empresanan.  Derechonan sivil ta e base di nos movementu. Hasi konseshonnan ku derechonan sivil ta nifika hasi konseshonnan na e base di demokrasia. Komo Partido di Pirata, semper nos ta purba mara tur nos akshonnan na e derechonan básiko di nos siudadanonan.
+==== Transparensia ====
+Un gobièrnu habrí i transparente ta un kondishon básiko pa un bon demokrasia. Solamente ora siudadanonan por kuestioná e funkshonamentu di su gobièrnu i por kontrolá e gobièrnu, ta posibel pa tin un representashon adekuá di e pueblo.
+==== Demokrasia ====
+Demokrasia ta un diálogo i desishon mutuo di nos sosiedat. Den un demokrasia, tur hende tin un bos i ta keda skucha. Nos ke pa tur hende tin e oportunidat pa partisipá den e proseso di tuma desishon. Di e manera aki, nos ta utilisá tur e konosementu, eksperensia i  ekspertisio di nos  sosiedat.
+==== Libertat di informashon ====
+E akseso liber na informashon, konosementu i kultura ta un kondishon pa e  desaroyo sosial, teknológiko i ekonómiko di nos sosiedat. E leinan aktual di derechonan di outor i patèntnan ta krea un monopolio di informashon ku solamente ta benefisiá e empresanan grandi i ta hasi difísil pa ta aksesibel. P’esei, nos ke reformá profundamente e legislashon aki.
+===== Temanan =====
+==== Spiritu Empresarial ====
+Partido di Pirata ke proteha e empresarionan chikí kontra e konsentrashonnan di poder di   gobièrnunan i empresanan grandi.  Ora gobièrnu solisitá informashon di empresarionan chikí i mediano, nan mester ofresé e ‘software’ nesesario gratuitamente i di kódigo habrí.
+==== Entrada básiko inkondishonal ====
+Ku un entrada básiko, tur ta benefisiá den e progreso teknológiko. E simplifikashon di e seguridat sosial ta elimina e nesesidat di burokrasia i kontrolnan, pa asina tur euro ta resultá ku e personanan ku tin mas mester.
+Esaki tambe ta mas robusto, paso esaki tambe por funshoná den tempu di krísis. E siguridat ekonómiko ku esaki ta ofresé, ta stimulá e spiritu empresarial i ta hasi ku e ekonomia ta resistente i fleksibel.
+==== Ekonomia ====
+Partido di Pirata ta defendé un ekonomia inklusivo ku oportunidatnan di desaroyo pa un i tur. Den e ekonomia aktual, e empresanan grandi ku hopi poder di merkado ta disidí. Promovementu di un kampo di wega nivelá ku e standart di kompetensia efektivo, lo oumentá prosperidat pa un i tur. Un ekonomia resistente i fleksibel ta un komienso pa seguridat ekonómiko. Nos ke polítika ekonómiko orientá na e bienestar di un i tur.
+==== Impuesto ====
+Ku un impuesto hustu, nos por krea huntu mas prosperidat.  Partido di Pirata kièr pa e kompanianan multi nashonal hasi un kontribushon hustu. Si nos oumentá e impuestonnan riba  trahamentu di sèn i e agitashon di e planeta, por redusí e impuesto riba e trahadó.  Di e manera aki nos ta sigurá nos mes ku e trabou ta bale la pena i nos ta stimulá e desaroyo sostenibel di ekonomia.
+==== Kuido di salú ====
+Kuido no ta un merkado, e ta un derecho básiko. Pues, bon kuido i medikamentu mester ta aksesibel na tur hende, independiente di e persona su situashon finansiero. Nos ta enfoká nos mes riba e bienestar i e outodeterminashon di e pashèntnan i e proveedor di atenshon médiko.  Nos ke rekuperá e kontrol di e atenshon di e hobennan i e atenshon di salú mental (di e hobennan). E privasidat di diseñadó i e kódigo habrí ta konvertiendo den un standart pa tur e datonan sanitario.
+==== Hustisia ====
+Seguridat ta un tarea fundamental di gobièrnu. Partido di Pirata ke drecha e seguridat dor di fortalesé e derechonan sivil. E final diripiente di e guera kontra droga, ta liberá un gran kantidat di kapasidat den kuerpo polisial, e poder hudisial, tribunalnan i sistema penitensiario mesora.   Nos ke kibra e gran ministerio di hustisia i seguridat i nos ta komprometé nos mes pa hasi e polisnan kapasitá pa baha e tenshon i violensia.
+==== Un maneho di droga huisioso ====
+E lucha kontra droga ta mas dañino ku e propio droga mes. Si nos por dil ku un di e droganan di mas dañino, ku ta alkohòl, e ora ei ta posibel pa nos dil ku otronan tambe. Partido di Pirata ke un maneho di droga rashonal i humano, unda ta hasi cannabis legal i ta dekriminalisa i regulá otro droganan.
+==== Ministerio di asuntunan digital ====
+Internet ta ofresé oportunidat sin presidente den e formulashon di un maneho interaktivo. Partido di Pirata ke tene kuenta ku konosementu di ICT durante e proseso di tuma desishon, tambe direktamente den konseho di minsternan.
+==== Durashon ====
+Nos kalidat di bida ta dependé di e rekursonan natural, manera awa limpi, airu, tera i alimentashon. Partido di Pirata ke un produkshon di alimento ku ta keda sostené tene i ta salú pa tur hende aktual i den futuro. Ta p’esei nos no ke hasi uso di e rekursonan natural mas rápido di loke ku tera mes ta produsí. Esaki ta rekerí un infrastruktura energétiko, sin monopolio i sin perhudiká otro objetivonan ambiental. Partido di Pirata no ke pa empresanan grandi, pero e habitantenan tin e último palabra pa ku e transakshon energétiko.
+==== Mobilidat ====
+Piratanan ta bai i bin ora ku nan ke.  Ta p’esei, nos no ke limitá e opshonnan di transporte, si no ban enfoká nos riba un transporte ku ta aksesibel pa públiko, transparente i pagabel.
+==== Union Europeo ====
+Partido di Pirata ta un movementu internashonal, aktivo riba tur e kontinentenan habitá. Nos gusta traha internashonalmente abase di balornan transparente i demokrátiko. P’esei Partido di Pirata ke un Europa transparente i demokrátiko, ku ta enfoká riba interesnan komun di tur persona na Europa, ku un polítika mas kompetitivo.
+==== Komèrsio internashonal ====
+Akuerdonan komersial inhustu manera TTIP, CETA i TiSA ku ta faboresé e multinashonal riba e konsumidó i e empresanan mediano i chikí. Partido di Pirata ke duna empresanan mediano i chikí un oportunidat hustu pa medio di e akuerdonan komersial, ku ta basa su mes riba derecho humano i e desaroyo sostenibel i ku por keda establesé demokratikamente.
+==== Defensa ====
+Partido di Pirata ke pone un atenshon spesial na stabilisashon di núkleonan di konflikto i estadonan frágil, mirando ku nan instabilidat ta un fuente di problema pa henter e komunidat internashonal. E solushon pa konflikto mester ta basá riba rèspèt di Korte Internashonal, ku ta e base di un komunidat internashonal pasifiko.
+==== Kooperashon pa Desaroyo ====
+Partido di Pirata ke usa ayudo pa desaroyo, na promé lugá, pa fortalesé e posishon di hende rònt mundu. Ta p’esei nos no ke eksplotá e ‘propiedat intelektual’ mas, sino interkambiá libramente i ku igualdat di konosementu. Di e manera aki, ekonomianan lokal por bira mas independiente i efektivo. Nos no ke perhudiká e paisnan den desaroyo mas, dor di akuerdonan komersial inhustu, sino duna nan un oportunidat real pa medio di komèrsio hustu.
+==== Imigrashon ====
+Partido di Pirata ke atende ku e kousanan ku ta buta hende hui. Na momentu ku un hende mester hui, nos ta tuma e dignidat humano komo punto di salida.  Partido di Pirata ke un maneho polítiko europeo komun di imigrashon. Esaki ta brinda oportunidatnan legal pa e imigrante, pa asina nan no keda konfundí ku un refugiado. Di e manera aki nos por kombatí e trafikashon di persona i alabes kòrta den e tempu di espera.
+==== Kultura ====
+E akseso na e informashon, konosementu i kultura ta un eksigensia primario pa e desaroyo sosial, teknológiko i ekonómiko di nos sosiedat. Partido di Pirata ke reformá e derechonan di outor kompletamente, asina e industria di e derechonan di outor por keda kompletamente eliminá, pa asina e derechi di outor ta kai den man e kreadó i konsumidó.
+==== Edukashon ====
+Un demokrasia di kalidat mester tin un nivel di enseñansa haltu pa por tuma desishonnan bon informá. Bon edukashon ta kompartí material i ta respetá privasidat. Partido di Pirata ke pa tur alumno i studiante drenta den kontakto, durante ora di skol, ku diferente vishonnan i aspekto di nos sosiedat.
+==== Siensia ====
+Gobièrnu i frakshonnan di merkado ta influensia e kurso di siensia dor di finansia pa kada  investigashon. E dependensianan aki ta mustra di ta dirigí i sensurá e resultadonan. Universidatnan mester di sufisiente finansiamentu permanente i personal permanente pa asina garantisá independensia i kalidat. Partido di Pirata ke pa e resultadonan di investigashon sientífiko ta liber pa akseso.
+==== Derecho di trahadonan seksual ====
+E trabou seksual ta trabou. Partido di Pirata ke kambia pa e modelo di Nueva Zelandia. Pues, bandoná tur regulashon spesífiko pa ku trabou seksual i trata e sektor komo kualke otro sektor di servisio. Partido di Pirata ke inbolukrá e sektor na regulashon i dekriminalisa e sektor kompletamente.
+==== Bibienda ====
+E impuesto riba propiedat ta empeorá e eskases di bibienda ku tin. E merkado di bibienda ta será. Partido di Pirata ke pa tin mas kas pagabel. Tambe nos ke elimina e impuesto riba propiedat i e límite superior di e sistema di punto.
+==== Biahe espasial ====
+Piratanan ta tribi di mira mas leu den futuro i ta apoyá investigashon i finansiamentu di proyektonan ku ta kondusí na teknologia nobo i konosementu ku por benefisiá henter humanidat. Partido di Pirata ke pa tur organisashonnan ku ta aportá na biahenan espasial, pa hasi e konosementu atkirí disponibel na tur hende.a